යොවුන් සංචාරකයෝ Yowun sancharakayo

 ලංකාවේ සුන්දර තැන් හොයාගෙන යන අපේ මීළග ගමනාන්තය උනේ හිමිදිරි පෙදෙස එහෙමත් නැත්නම් ගොඩක් අය අහලා තියෙන සූරියකන්ද. රක්වානේ ඉඳන් සූරියකන්දට යන A17 මාර්ගය අතර තමයි මේ වංගු 10 හම්බුවෙන්නෙ.. 5km වඩා වංගු සහිත තරමක පටු මාර්ගයක් මේක. වටපිටාවෙ ලස්සන නම් කියලා නිමකරන්න බැරි තරම්. ගමන අතරමගදී රක්වාන view point එකත් බලාගන්න පුළුවන්. අංශක 270ක විතර වපසරියක්. උදේ පාන්දරම මෙතනට ගියාම,හීන් සුළගත් එක්ක දැනෙන හිරිගඬු පිපෙන හීතල සංචාරකයෙක් විදියට විඳින්නම ඕනෙ. කරුණු කාරණා ඒ විදියට ලියවෙද්දි මේ ගමනට සුදුසුම ගමන් සගයා වන අපේ bike ටික අමතක කරන්න බෑ. අපි සැලසුම් කලේ පාන්දර 3ට ගමන පටන් ගන්න උනත්, යාලුවො ඔක්කොම එකතු කරගනිද්දි වෙලාව පාන්දර 4ත් පහු වෙලා. මාත් එක්ක ඔක්කොම හය දෙනයි. හොරණින් ගමන් ආරම්භ කරපු අපි රක්වාන වංගු 10ට ලඟා වෙද්දි වෙලාව උදේ 9ට විතර ඇති. රත්නපුර නගරයට ඇවිල්ලා එතන ඉඳන් පැල්මඩුල්ල හරහා කහවත්තටත්,කහවත්තේ ඉඳන් රක්වානටත් ආවම මෙතනට ලඟා වෙන්න පුලුවන්. රත්නපුරේ ඉඳන් දුර කිලෝමීටර් 55ක් විතර. වංගු10 හරහා යන අතරමගදී කුඩා දිය ඇලි කිහිපයක්ම හමුවෙනවා. දිගටම පයිනස් වනාන්තරය. ලංකාවේ සුන්දරත්වය නම් වචන ව...

 තවත් ලස්සන දිය ඇල්ලක් බලන්න යන්න අපිට අවස්ථාව ලැබුණා.. මේක නමින් කිරිඳි ඇල්ල. ලංකාවේ උසින් හත් වෙනි ස්ථානය ගන්න දිය ඇල්ල. උසින් මීටර් 116ක්. පිහිටා තියෙන්නෙ රත්නපුර දිස්ත්‍රික්කයේ පැල්මඩුල්ල ප්‍රදේශයේ කුට්ටාපිටිය කියන ගමේ. ගලා වැටෙන ජලකඳ අවසානයේ එකතු වෙන්නෙ කළු ගඟට. කුට්ටාපිටිය කන්දෙන් ඇරඹෙන දිය ඇල්ල අවට රක්ෂිතය ශ්‍රීලංකාවට අවේණික ශාක,සත්ව විශේෂ රැසකගේ තෝතැන්නක්. දිය ඇල්ලට ලඟා විය හැක්කේ රත්නපුර සිට පැල්මඩුල්ල නගරයට පැමිණ එතැන් සිට කුට්ටාපිටිය මාර්ගය ඔස්සේ කිලෝමිටර් හතරක් පමණ පැමිණිය පසු මාර්ගයේ දකුණු පසු කිරිඳි ඇල්ලට යන මාර්ග ඔස්සේ. එතැන් සිට මීටර් 500 පමණ ඳුරක් පා ගමනින් ගිය පසු කිරිදි ඇල්ලට ළඟා වෙන්න පුලුවන්. දිය ඇල්ල පාමුලට යන්න පඩිපෙලක් තිබුණත් ඝන කැලෑවෙන් වැහිලා තියෙන නිසා පහලට යාම ටිකක් අමාරුයි. අනික ලිස්සනවා. කූඩැල්ලන්ගෙන්නම් අඩුවක් නෑ. වැස්සත් ඒ වගේ. මං හිතන්නෙ දවසෙන් පැය 12ක් විතරම වැස්ස.. නාන්න තැන්නම් අඩුවක් නෑ..ඒ උනාට වැස්ස දවස් වලට නාන එක ටිකක් අවදානම්. වැස්සත් එක්ක දිය ඇල්ලේ ජල කඳ ක්ෂණිකව වැඩි වෙනවා. කීප දෙනෙක් මැරිලත් තියෙනවා කියල තමයි වැස්සට නැවතිලා හිටිය කඩේ මුදල...

 පහන්තුඩාව ඇල්ල- හැඩිගල්ල තවත් සුපිරි place 1ක් හොයාගෙන මටත් මගෙ යාළුවො සෙට් 1ටත් යන්න අවස්ථාව ලැබුණා. පහන්තුඩාව ඇල්ල කිව්වට මේක බෙලිහුල් ඔය තියෙන ඇල්ල නෙවෙයි. මේ ඇල්ල තියෙන්නෙ හැඩිගල්ලෙ සිංහරාජ මායිම හරහා ගලා යන මඟුරු ගගේ අතු ගංගාවකින් තමයි මේ ඇල්ල නිර්මාණය වෙන්නෙ.. ලෝක උරුම සිංහරාජ වනපෙතින් ගලා යන නොඉඳුල් ජල බිංදු වලින් නිර්මාණය වන මෙම දිය ඇල්ල අවට පරිසරය ශ්‍රීලංකාවට ආවේණික ශාක,සත්ව විශේෂ බහුතරයකගේ නිජබිමක්. ඒ අභිමානයත් හදවතේ දරාගෙන ගිය මේ ගමනට අපේ ගමන් සඟයා උනේ 🏍බයික් තමයි.. බදුරලිය නගරයේ සිට 1km පමණ කලවාන දෙසට ගිය විට දකුණු පැත්තට ඇති හැඩිගල්ල මාර්ගයේ කෙලවර දක්වාම 20km පමණ ගමන් කිරීමෙන් හමුවන අතුරු මාර්ගයේ මද දුරක් ගමන් කිරීමෙන් මෙතනට ලඟාවෙන්න පුලුවන්. පාර වැරදෙන්න පුලුවන්  අපිටත් වැරදුනා අහල පහල අයගෙන් යන අතරමග පාර අහගන්න එක තමයි හොඳ. තව පොඩ්ඩෙන් අපේ චන්ද්‍රකුමාරයයි,යොහානයයි කරනමක් ගහනව බයික් 1 හරවන්න ගිහින්. කාණුවෙ වැටිලා බේරුණා මදැයි..🤣   ටිකක් ගැඹුරු උනත් නාන්න සුපිරි තැනක්. පොඩි ලමයින්ට උනත් නාන්න පුලුවන් නොගැඹුරු තැන් එහෙමත් මෙතන තියෙනවා. One day trip plan කරන...

කළු වල - ඉංගිරිය ඔන්න මචන් නාන්න සුපිරි place 1ක් ඉංගිරිය පැත්තෙ ඉඳන් එනවනම් ඉංගිරිය town 1 පාස් කරල රත්නපුර පැත්තට 1/2km විතර එද්දි ඉංගිරිය ඈගල් ඔය පාර හම්බුවෙනව එතනින් දකුණට හැරිලා 3km විතර යද්දි හල්වතුර හන්දිය හම්බුවෙනවා. හන්දියෙන් පහලට තියෙන පාරෙ 2km විතර යද්දි හම්බුවෙන Y හන්දියෙන් වමට හැරිලා 3km විතර යද්දි මෙතනට යන්න පුලුවන්. පාරනම් ටිකක් සවුත්තුයි ගල් මුල් උඩින් තමයි යන්න වෙන්නෙ.. ගමේ අයගෙන් පාර අහගෙන යන 1 තමයි හොඳම. බයික් වලින්නම් ලොකු අමාරුවක් නැතිව යන්න පුලුවන් ඇල්ල ගාවට යන්න වාහන මග නවත්තල 500m විතර පයින් යන්න ඕනෙ. ගොඩක් අය හල්වතුරෙ ආවට මෙතනට ගිහින් නැතුව ඇති.. ඇල්ල පාමුල 15m විතර ගැඹුරුයි පීනන්න අමාරු අය පරිස්සමින්.. fun 1ක් ගන්න පුලුවන් සුපිරි තැනක්. ඉතින් ඇවිත් බලන්න.. එකම ඉල්ලීම මේ පරිසරයනම් අපවිත්‍ර නොකරන්න කියන 1 තමයි.. comment 1ක් දාගෙන යන්න අනිත් අයටත් බලන්න share කරන්න...👌🏻